Kulturbirasossodat

Ossodaga ovddasvástádussii gullá strategiija- ja politihkkaovdánahttin olles kultursuorggis. Guovddáš bargoguovllut leat arkeologiija, huksensuodjalus, fanassuodjalus, kulturmuittut, kulturbiras ja kultureanadat, kulturbirasgáhttemat ja kulturhistorjjálaš árvvut gávpot- ja čoahkkebáikeovdánahttimis. Ossodagas lea maid ovddasvástádus máilmmiviidosaš bargosurggiid ovddas nu go earret eará máilmmiárbbi ovddas (Unesco), EU/EEO. Ossodat lea ožžon etáhtastivrenovddasvástádusa Riikkaantikvára ja Norgga kulturmuitofoandda ovddas, ja galgá áimmahuššat departemeantta gulahallama regiovnnalaš kulturbirashálddašemiin.

Ossodaga čuovvovaš sekšuvnnat:

  • Ossodatčállingoddi

    Ossodatčállingottis lea earret eará ovddasvástádus ossodaga barggu ovddas stáhtabušeahtain, ekonomiijastivremiin, doarjjahálddašemiin, raporteremiin, rehketdoalloloahpahemiin stáhtarehketdoalu ja doaibmaplánema oktavuođas. Muđui lea ossodatčállingoddi mielde Riikkaantikvára ja Kulturmuitofoandda etáhtastivremis. Dasa lassin koordinere ossodatčállingoddi hálddahuslaš áššiid olles ossodaga ovddas.

  • Areála- ja njuolggadusossodat

    Ossodat bargá láhka- ja njuolggadusgeavahemiin kulturbirassuorggis iešguđetlágan areálaáššiin. Ossodagas lea ovddasvástádus bargui mii guoská ođđa kulturbirasláhkii, njuolggadusaide mat leat čadnon Kulturmuitofondii, eará lágaide ja njuolggadusaide mat váikkuhit kulturbirrasa, ja kulturbirrasa áimmahuššama ovddas buot lágan areálaáššiin ja iešguđetlágan plánenproseassain, ja njuolggadusaid ja bagadallama ovddas dan suorggis. Ossodat bargá arkeologiijain, huksehusaiguin ja rusttegiiguin, fanassuddjemiin, sámegielain ja minoritehtaiguin, poláraáššiiguin.

    Sekšuvdnajođiheaddji: Ossodatdirektevra Jan Mathys Truyen

  • Kulturbiras- ja servodatossodat

    Ossodat bargá kulturbirrasa ja servodatovdánahttima oktavuođain. Ossodagas lea ovddasvástádus čuovvovaš bargguid ovddas: máhttoovdánahttima, kulturbirasstatistihka/birasdieđuid, gávpotbiras- ja báikeovdánahttima, eaktodáhtolaš organisašuvnnaid ovddas, ovttasbargovuođuid kulturárbbi/luondduárbbi/eanadaga ja olgoáibmodoaimmaid ovddas, ja dasa lassin viiddis máilmmiviidosaš árvobáhpiriid ovddas (Unesco/máilmmiárbi, EU/EEO/Eurohpáráđđi ja davviriikkalaš kulturbirasovttasbargu). Departemeanttaid searvevuođa siskkobealde lea ossodagas ovddasvástádus ovttasbargoguovlluid ovddas nu go museaid (KUD) ja girko/girkohistorjjálaš árvvuid ovddas (MBD).

    Sekšuvdnajođiheaddji: Ossodatdirektevra Berit Halvorsen