Riikaantikvára
Olggut doaibma | vuollásaš etáhta | Dálkkádat- ja birasdepartemeanta
Riikaantikvára lea kulturmuitohálddašeami direktoráhtta ja Dálkkádat- ja birasgáhttendepartemeantta rávvejeaddji ja čađaheaddji fágaásahus kulturmuittuid ja kulturbirrasiid hálddašeamis.
Riikaantikvára sihkkarastá buori máhttovuođu ja rávve departemeantta fágalaččat kulturbirasbarggus, dálkkádat- ja biraspolitihka ovttastahttojuvvon oassin.
Riikaantikvára lea mearridanváldi ráfáidahttimiid dáfus, ja váiddaásahus daid mearrádusaid dáfus maid regionála kulturbirashálddašeapmi lea dahkan. Plánaáššiin lea Riikaantikváras vuosttaldanváldi.
Riikaantikváras lea maiddái ovddasvástádus veahkehit fylkkasuohkaniid kulturbirashálddašeami, Sámedikki, Svalbárdda áššemeastára ja suohkaniid rávvemiin ja čuovvolemiin kulturbirassuorggi guoskevaš áššiin.
Direktoráhtta ovddida digitála bálvalusaid ja hálddaša dieđuid mat sihkkarastet oktilis kulturbirashálddašeami.
Riikaantikvára galgá maiddái láhčit diliid nu ahte máilmmiárbeguovllut, nugo Plassje, Vega ja Bryggen Bergenis, ovddiduvvojit buoremus luonddu- ja kulturbirashálddašeami čuovgatoardnan.
Direktoráhtta láhčá dilálašvuođaid árvoháhkamii ja ceavzilis kulturbirasgeavaheapmái, ja lea ovdavázzi ja ráđđeaddi das movt geavahit kulturmuittuid ja kulturbirrasa resursan gávpot- ja báikegoddeovddideamis go galgá hábmet buriid gávpotbirrasiid main lea kvalitehta.
Direktoráhtta doaimmaha kulturbiraspolitihka golmma nationála ulbmila bokte:
- Buohkain galgá leat vejolašvuohta áŋggirdit ja váldit ovddasvástádusa kulturbirrasis
- Kulturbiras galgá váikkuhit ceavzilis ovdáneapmái ollislaš servodatplánema bokte
- Máŋggabealat kulturbiras galgá vuhtiiváldojuvvot máhtu, muosáhusa ja geavaheami vuođđun
Juolludusreive, bagadusat ja jahkeraporttat
Neahttasiidu: http://www.ra.no/