Gielda- ja guovlodepartemeanta lea, ovttas Boazoálbmogiid Máilmmilihttuin, nammadan stivralahtuid ja sidjiide sadjásaččaid Boazodoalu riikkaidgaskasaš fága- ja gaskustanguovddážii, Guovdageaidnu.

- Departementa lea deattuhan boazodoalliid ja boazodoalloservviid lagasvuođa guovddážii, dadjá stáhtačálli Ellen Inga O. Hætta. - Guovddáš ásahuvvui ja doaimmahuvvo ovttasráđiid Boazoálbmogiid Máilmmilihttuin. Maiddái stivraoasálastin speadjalastá boazodoalu riikkaidgaskasaš ovttasbarggu.

Stivrras lea čuovvovaš riikkaidgaskasaš oasálastin:

Ovdaolmmoš:
Johan Mathis Turi, Boazoálbmogiid Máilmmelihttu

Stivralahttut:
Vladimir M. Etylen, Reindeer
Herders´ Union of Russia
Berit Marie Jonsson, Sámeráđđi
Monica Alterskjær Sundset, Romssa Universitehtta
Mai Britt Utsi, Sámi Allaskuvla

Sadjásaččat:
Juha Magga, Suoma Boazosámit rs, Suopma
Inger Anita Smuk, Norgga Boazosápmelaččaid Riikkasearvi
Per Gustav Idivuoma, Ruoŧa Sámiid Riikasearvi

Nammadeapmi čađahuvvui daid árvalusaid vuođul mat ledje sáddejuvvon stivraevttohassan dáid institušuvnnain/serviin: Boazoálbmogiid Máilmmelihttu, Sámi allaskuvla/Sámi instituhtta, Romssa Universitehta árktalaš biologiija ossodat, Sámeráđđi ja boazodoalosearvvit Norggas (Norgga Boazosápmelaččaid Riikkasearvi), Suomas (Suoma Boazosámit rs), Ruoŧas (Ruoŧa Sámiid Riikasearvi) ja Ruoššas (Reindeer Herders' Union of Russia).

Eanadoallo- ja biepmoáššiid departementa, Olgoriikkadepartementa ja Gielda- ja guovlodepartementa leat ovttasráđiid ruhtadan guovddáža. Gielda- ja guovloministár Erna Solberg rahpá guovddáža 02.09.2005.

Váldde oktavuođa: Ellen Inga O. Hætta, mobiltel: 90 10 20 55.