Reviderejuvvon nationálabušeahtta:
Nannejit mánáid geafivuođa eastadandoaimmaid
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 46/15 | Almmustahtton: 12.05.2015 | Maŋimuš ođasmahttojuvvon: 20.05.2015
Eaktodáhtolaš organisašuvnnaid bokte ožžot mánát ja nuorat vásáhusaid, máhtolašvuođa, ođđa ustibiid ja sosiála gullevašvuođa. Kulturdepartemeantta bušeahtta lasihuvvo 5 miljovnna kruvnnuin eaktodáhtolašdoaimmaid várás, ja dat lea oassi ráđđehusa mánáid geafivuođa eastadanbarggus.
Lassáneapmi boahtá lassin ráđđehusa strategiija ahte vuolidit gáibádusaid vai eanet mánát sáhttet searvat valáštallamiidda ja rumašlaš doaimmaide, maid Kulturdepartemeanta almmuhii cuoŋománu 24. beaivve.
-Dat ahte doarjut eaktodáhtolaš organisašuvnnaid barggu vai sii nagodit láhčit dili nu ahte mánát ja nuorat besset searvat iešguđetlágan astoáiggedoaimmaide, beroškeahttá bearraša ekonomiijas, lea mearrediđolaš doaibma mii lea buorre mánáid bajásšaddamii, cealká kulturministtar Thorhild Widvey.
Kulturdepartemeanta háliida doarjut čovdosiid maid organisašuvnnat ieža ovddidit ja ovttas organisašuvnnaiguin vuoruhit álggahanprošeavttaid mat leat eahpevirggálaččat ja addet buriid čovdosiid nu ahte eanet mánát ja nuorat daid bearrašiin geain lea vuollegis boahtu ožžot vejolašvuođa searvat organiserejuvvon valáštallamis ja eaktodáhtolaš doaimmain. Eaktodáhtolaš doaimmat maid Nationála veahkálašorganisašuvdna čađaha eastadit geafivuođa ja oktonasvuođa mánáid ja nuoraid gaskkas, lea okta dakkár doaibmabidju.