2009 kulturbušeahtta:
Ollu kulturdoaibmabijuide Finnmárkkus juolluduvvo eanet doarjja
Historjjálaš arkiiva
Almmustahttináigodat Regjeringen Stoltenberg II
Almmustahtti: Kultur- ja girkodepartemeanta
Preassadieđáhus | Nr: 128/08 | Almmustahtton: 07.10.2008
Ráđđehus evttoha nana sámi kulturáŋgiruššama Kultur- ja girkodepartemeantta 2009 bušeahtas. Buohkanassii lassána juolludeapmi Sámedikki vuollásaš sámi kulturáigumušaide šiega 8,4 miljon ruvnnuin ja juolludus šaddá buohkanassii 62 miljon ruvnnu.
Ráđđehus evttoha nana sámi kulturáŋgiruššama Kultur- ja girkodepartemeantta 2009 bušeahtas. Buohkanassii lassána juolludeapmi Sámedikki vuollásaš sámi kulturáigumušaide šiega 8,4 miljon ruvnnuin ja juolludus šaddá buohkanassii 62 miljon ruvnnu.
Dan lassin evttohuvvo lasihit preassadoarjaga sámi aviissaide 3 miljon ruvnnuin 21,6 miljon ruvdnun. Dan lassin oažžu Stellaris DansTeater 2 miljon ruvdnosaš doarjaga. Kvensk Institutt oažžu 1 miljon ruvnnu lasi, buohkanassii 4,5 miljon ruvnnu.
Nuortasámi musea Njávdámis oažžu 2,5 miljon ruvdnosaš investerendoarjaga, mii lea maŋimus oassi buohkanassii 42 miljon ruvdnosaš juolludeamis. Visti lea válmmas dán jagi. Maiddái lea evttohuvvon 2 miljon ruvdnosaš juolludeapmi dan bázzái mii galgá ceggejuvvot muitun sidjiide geat gillájedje noaideáhkkoproseassaid geažil Finnmárkkus.
Várjjat Musea oažžu 1 miljon ruvnnu lasi maŋŋágo lea čađahan konsoliderema Mátta-Várjjat museain.