Finnmárkkuopmodat váldá badjelasas Finnmárkku eatnamiid ja čáziid
Historjjálaš arkiiva
Almmustahttináigodat Regjeringen Stoltenberg II
Almmustahtti: Bargo- ja searvadahttindepartemeanta
Preassadieđáhus | Almmustahtton: 30.06.2006 | Maŋimuš ođasmahttojuvvon: 11.11.2006
Stáhta eaiggáduššá 95 % Finnmárkku eatnamiin ja čáziin. Dát eana- ja čáhceviidodat sirdojuvvo odne Finnmárkkuopmodahkii. Maŋŋágo 25 jagi leat čielggadan sámi vuoigatvuođaid, de galget dál finnmárkolaččat ieža báikkálaččat eaiggáduššat ja hálddašit eatnamiid ja čáziid priváhta eanaeaiggáda Finnmárkkuopmodaga bokte. Dat eanaviidodat mii sirdojuvvo, lea sullii seamma stuoris go Sveica.
Pressemelding
Nr.: 86
Dato: 30.06.2006
Finnmárkkuopmodat váldá badjelasas Finnmárkku eatnamiid ja čáziid
Stáhta eaiggáduššá 95 % Finnmárkku eatnamiin ja čáziin. Dát eana- ja čáhceviidodat sirdojuvvo odne Finnmárkkuopmodahkii. Maŋŋágo 25 jagi leat čielggadan sámi vuoigatvuođaid, de galget dál finnmárkolaččat ieža báikkálaččat eaiggáduššat ja hálddašit eatnamiid ja čáziid priváhta eanaeaiggáda Finnmárkkuopmodaga bokte. Dat eanaviidodat mii sirdojuvvo, lea sullii seamma stuoris go Sveica.
- Otná beaivi lea mearkabeaivi buot finnmárkolaččaide ja earáide geat leat čuvvon Finnmárkkulága barggu ollu jagiid gitta Finnmárkkulága mearrideami rádjai. Beaivi lea maiddái historjjálaš sihke riikkalaš ja riikkaidgaskasaš oktavuođas, dadjá bargo- ja searvadahttinministtar Bjarne Håkon Hanssen.
- Finnmárkkuláhka mielddisbuktá stuorra hálddahuslaš nuppástusaid Finnmárkui. Finnmárkkuopmodaga ásaheapmi eanaeaiggátorgánan ovddasta maiddái juoidá mii lea ođas Norgga lágas. Mu mielas addá láhka buriid vejolašvuođaid sihkkarastit ja ovddidit ealáhusaid ja eallinvuođu miehtá fylkka, dadjá Bjarne Håkon Hanssen.
- Finnmárkkuláhka mielddisbuktá ahte oamastanvuoigatvuohta 95 % Finnmárkku eana- ja čáhceviidodagaide sirdojuvvo Finnmárkku ássiide Finnmárkkuopmodaga ásaheami bokte. Gielddat maid ožžot válddi das mii guoská ođasmuvvi resurssaid ávkkástallamii. Láhka váldá vuhtii Finnmárkku buot ássiid. Dat mearkkaša ahte sihke sápmelaš, kvenalaš ja norgalaš ássiin leat seamma vuoigatvuođat ávkkástallat luondduriggodagaiguin, dadjá stáhtaráđđi.
Dainna ulbmiliin ahte sámekultuvra váldojuvvo vuhtii, leat lágas sierra jienastannjuolggadusat Finnmárkkuopmodaga várás dakkár áššiin meahci rievdaduvvon geavaheami birra mat sáhttet váikkuhit sámekultuvrii. Dasa lassin addá láhka Sámediggái válddi ráhkadit njuolggadusaid das mo dakkár váikkuhus sámekultuvrii galgá árvvoštallojuvvot, dadjá stáhtaráđđi.
Gonagaslaš Allatvuohta Krovdnaprinsa Haakon ja stáhtaráđit, Terje Riis Johansen, Knut Storberget ja Helga Pedersen oassálaste maiddái meanuin.
Ráđđehusa sárdni dain meanuin main Finnmárkku eatnamiid ja čáziid sirde Finnmárkkuopmodahkii