Almmuhus: prošeaktaruđat ovddidit lohkanhálu

Kulturdepartemeanta dáhttu ealáskahttit Lohkanmáhtu  2010-2014 dan bokte ahte ovddidit mánáid ja nuoraid lohkanhálu. Lohkanhállostrategiijas 2003 leat olu buorit doaimmat ja prošeavttat ovdagovvan nu ahte suohkanat ja eará ásahusat álggahivčče prošeavttaid dahje nanneše prošeavttaid mat leat jođus mánáid ja nuoraid lohkanhálu várás.  Dán bargui geavaha ráđđehus 1,2 miljon kruvnno gilvinruđa doaimmaide mat ovddidit mánáid ja nuoraid lohkanhálu. Dát ruđat leat lassin našunálgirjerádjosa ruđaide maid sáhttá ohcat ja mat gullet girjerájussuorgái.

Lohkanhállostrategiija 2013  (.pdf dárogiella) ja preassadieđáhus lohkanhállostrategiijas geassemánnu 27.b. 2013

Sáhttá ohcat ruđaid prošeavttaide dahje doaimmaide maid mihttu lea ovddidit mánáid ja nuoraide lohkanhálu ja mat čatnasit lohkanhállostrategiija ovtta dahje eanet nannensurggiide:

• Nannet girjjálašvuođa gaskkusteami mánáide ja nuoraide 
• Sihkkarastit buot mánáide ja nuoraide girjjálašvuođa olamuddui 
• Lasihit lohkanberoštumi olles servodagas 
• Oidnosii buktit ja oktiiheivehit lohkanhállodoaimmaid

Oppalaš ohcaneavttut:

• Prošeakta dahje doaibma galgá leat mánáid ja nuoraid várás gitta 18 jahkái 
• Prošeakta dahje doaibma galgá leat álggahuvvon dahje sáhttit álggahuvvot jagis 2013 
• Ohcci galgá leat organisašuvdna

Ohcanáigemearri borgemánnu 23. b. 2013.

Ohcama sáddet deike: Kulturdepartementet: postmottak@kud.dep.no. Našunálagirjerájus oktiiordne lohkanhállostrategiija, ja veahkeha Kulturdepartemeantta ohcamiid meannudit.