Ekspeartalávdegoddi árvala rievdadit mieleaiggátvuođa reguleremiid
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 29/12 | Almmustahtton: 24.04.2012 | Maŋimuš ođasmahttojuvvon: 07.05.2012
Ekspeartalávdegoddi árvala rievdadit mieleaiggátvuođalága ja heivehit njuolggadusaid molsašuddi media árgabeaivái. Čielggadeapmi galgá vuođđun láhkaárvalussii mainna Kulturdepartemeanta dál lea bargamin.
Ekspeartalávdegoddi árvala rievdadit mieleaiggátvuođalága ja heivehit njuolggadusaid molsašuddi media árgabeaivái. Čielggadeapmi galgá vuođđun láhkaárvalussii mainna Kulturdepartemeanta dál lea bargamin.
-Ráđđehus oaivvilda leat riektan ahte mieleaiggátvuođaláhka sihkkarastá mediavalljodaga Norggas. Mun doarjjun ekspeartalávdegotti árvalusa bisuhit rájiid našunála eaiggáduššamii, cealká kulturministtar Anniken Huitfeldt.
Ekspeartalávdegotti árvaluvvon váldočuoggát:
- Mieleaiggátvuođaláhka rievdaduvvo nu ahte elektronalaš mediat integrerejuvvojit ja šaddet oassin árbevirolaš márkanis
- Ođđa vuogádat márkanráddjemiidda: Márkanat eai meroštallojuvvo ovddalgihtii lágas nugo dál
- Muhtun muddui joatkit gustovaš mieleaiggátvuođa rájiid našunála dásis. Ásahuvvo vuolimus eaktu rihkkumiidda
- Reguleremat našunála dásis galget maŋŋil ovdanbuktima joatkkašuvvat, muhto rievdaduvvojit márkanráddjemiid ođđa vuogádaga mielde. Guovlulaš eaiggátvuođarájit mearriduvvojit láhkaásahusa bokte, ja eaige lágas nu go dál.
- Mieleaiggátvuođalágas ii árvaluvvo rievdadit ceakko ovttaideami
Ekspeartalávdegotti miellahtut leat leamaš advokáhta Mona Søyland, Simonsen Advokatfirma (jođiheaddji), professora Øystein Foros, NHH ja professora Tanja Storsul, Oslo universitehta.