Aktiver Javascript i din nettleser for en bedre opplevelse på regjeringen.no

Historjjálaš arkiiva

Ođđa láhkaevttohus mii eambbo gáhtte mánáid ja nuoraid vahátlaš mediasisdoalu vuostá

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

- Ođđa láhkaevttohus dan birra ahte vuolleahkásaččaid gáhttet vahátlaš ealligovvaprográmmaid vuostá lea odne sáddejuvvon gulaskuddamii. Mii háliidit eambbo mediasorjjasmeahttun, konsekveanta ja ođasmahttojuvvon njuolggadusčállosa gáhtten dihte mánáid vahátlaš mediasisdoalu vuostá, dadjá kulturministtar Hadia Tajik.

- Ođđa láhkaevttohus dan birra ahte vuolleahkásaččaid gáhttet vahátlaš ealligovvaprográmmaid vuostá lea odne sáddejuvvon gulaskuddamii. Mii háliidit eambbo mediasorjjasmeahttun, konsekveanta ja ođasmahttojuvvon njuolggadusčállosa gáhtten dihte mánáid vahátlaš mediasisdoalu vuostá, dadjá kulturministtar Hadia Tajik.

Gulaskuddandokumeanta (girjedárogiella)

Mánát ja nuorat bajásšaddet odne áibbas eará mediadilálašvuođas go dušše muhtun jagiid dás ovdal. Ođđa mediabálvalusaid ovdáneapmi mielddisbuktá ahte audiovisuálalaš sisdoalu fálaldat lassána, ja ahte mediasisdoalu šaddá olámuttos ain ođđa vuogádagain. Mediateknologiija ovdáneapmi ja mediageavaheapmi mearkkaša ahte lea stuorát dárbu go goassege ovdal gáhttet mánáid.

Seammás lea dárbu ovttastahttit suorggis muddema ja heivehit dan teknologalaš ovdáneapmái. Dál gustojit iešguđetlágan njuolggadusat ja vuogádagat iešguđetge gaskaoapmevuogádagaide – kinoi, DVD:i, TV:i ja nehttii. Dasa lassin leat vuogádagain mat geavahuvvojit unnimusat (kino ja video) garraseamos njuolggadusat. Váikkuhusat leat omd. ahte ovtta ja seamma filmmas sáhttá leat okta ahkemearri kinos, eará ahkemearri DVD:s/bluray:s ja TV:s ja nuvttá neahtta-TV:s ii obage leat ahkemearri.

Ođđa láhka mudde ealligovvaprográmmaid olahahttivuođa álbmogii, dákkár hámis: almmolaš čájeheapmi(kino gullá maiddái dasa)fysalaš videográmma, TV ja audiovisuálalaš diŋgonbálvalusat. Láhka boahtá dálá filbma- ja videográmmalága guovddáš osiid sadjái ja ovttastahttojuvvo áibmomedialága gáhttennjuolggadusaiguin ja EO-direktiivvain audiovisuálaš mediabálvalusaid birra (AMB - direktiiva).

Ođđa lágas departemeanta evttoha láhkii nannet golbma gáhttendoaimma:

  1. geatnegasvuohta ahkemeari bidjat buot ealligovvaprográmmaide mat gullet lága doaibmasuorggi vuollái, 
  2. geatnegasvuohta sihkkarastit ahte čuvvot mearriduvvon ahkemeriid, ja 
  3. geatnegasvuohta dieđihit ahkemeari birra

Ahkemearit mearriduvvojit navdojuvvon vahátváikkuhusaid vuođul, ja danin dat eai gal moktege buvtte makkárge bagadusa dan birra makkár  ahkejovkui ealligovvaprográmma heive. Danin evttohuvvo lassin láhkii nannet geatnegasvuođa suorgái dieđihit makkár ulbmiljovkui ealligovvaprográmma rávvejuvvo.

 

Bajás