Aktiver Javascript i din nettleser for en bedre opplevelse på regjeringen.no

Historjjálaš arkiiva

2014 stáhtabušeahtas

Tippenruđaid juohku rievdaduvvo – eanet valáštallamii

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Ráđđehus árvala rievdadit tippenruđaid juohkima. Árvalus mielddisbuktá, ahte Norsk Tippinga 2014 badjebáhcagis juolluduvvo 56 proseantta valáštallamii, 14,9 proseantta kulturdoaimmaide, mat eai oaččo doarjaga stáhtabušeahtas, ja 18 proseantta humanitára ja servodahkii ávkkálaš organisašuvnnaide. 11,1 proseantta kulturdoaimmaide váldojuvvo boahtun stáhtabušeahtas.

Ráđđehus árvala rievdadit tippenruđaid juohkima. Árvalus mielddisbuktá, ahte Norsk Tippinga 2014 badjebáhcagis juolluduvvo 56 proseantta valáštallamii, 14,9 proseantta kulturdoaimmaide, mat eai oaččo doarjaga stáhtabušeahtas, ja 18 proseantta humanitára ja servodahkii ávkkálaš organisašuvnnaide. 11,1 proseantta kulturdoaimmaide váldojuvvo boahtun stáhtabušeahtas.

- Tippenruđaid ođđa juohku mielddisbuktá, ahte valáštallama oassi lassána 47,9 proseanttas 56 prosentii 2014. Valáštallamii juolluduvvo nappo lagabui 200 miljovnna kruvnno eanet. Dat dárbbašuvvo, nu ahte juolludeami vehkiin sáhttit hukset ja ođasmahttit gielddaid valáštallanrusttegiid. Juolludeamit valáštallanrusttegiidda lea stáhta valáštallanpolitihka mávssoleamos doaibmagaskaoapmi, kulturministtar Hadia Tajik dadjala.

Doarjja, maid juolludit kulturdoaimmaide stáhtabušeahta olggobealde, lassána 14,6 proseanttas 2013 gitta 14,9 prosentii 2014. Ráđđehus maid árvala rievdadit ortnega vel eanet, nu ahte valáštallamii juolludit 64 proseantta 2015 ja ahte kulturdoaimmaide juolludit 18 proseantta 2015 rájes. Seammás áigot ain juolludit 18 proseantta humanitára ja servodahkii ávkkálaš organisašuvnnaide. 

Norsk Tippinga einnostusaid mielde, mat leat ráhkaduvvon geassemánus 2013, šaddá 2014 tippenruđain sullii 3,350 miljárdda kruvnno badjebáza, mii juolluduvvo tippenruhtan. Norsk Tippinga ođđa einnostusat čujuhit dan guvlui, ahte logut soitet šaddat vuolibun.

Bajás