Aktiver Javascript i din nettleser for en bedre opplevelse på regjeringen.no

H-2179 - Juolludeamit sámi áigumušaide

Stahtabušeahtta 2006

Juolludusat sámi áigumušaide

Sápmelaččat leat njealji stáhta eamiálbmot ja unnitlohku ja sis lea dárbu ja vuoigatvuohta earenoamáš árvui riikkaidgaskasaš ja riikka álbmotrievtti mielde. Norggas lea earenoamáš ovddasvástádus ovddidit sámi giela, kultuvrra ja eallinlági. Vuođđolága § 110a geatnegahttá státhta eiseváldiid fuolahit sámi álbmogii vejolašvuođa nannet ja ovddidit gielas, kultuvrras ja servodateallimis.

Gielda- ja guovludepartementtas lea ovddasvástádus ovttastahttit stáhta sámepolitihka. Departementtaid suorgevddasvástádusprisihppa gusto buot fágasurggiide, ja departementtain lea ovddasvástádus čuovvolit sámepolitihka surggiideaset siskkobealde. Dát gullá maiddái daidda ortnegiidda maid Sámediggi hálddaša.

Dáinna diehtočállosiin áigu Ráđđehus oanehaččat ja oppalaččat čilget iešguđet ge departementtaid jagi 2006 juolludanevttohusaid sámi áigumušaide. Dán jagi gihppagis leat juolludusat maiddái juolludusat mat eai leat ovdal leamaš, ja danne ii sáhte buot loguid álo buohtastahttit diimmá loguiguin (H-22/04).