3 Sámedikki politihkalaš ulbmilat

Sámedikki mearkkašupmi

Sámedikki politihkalaš ulbmilat bohtet ovdan Beaiveálgu-julggaštusas ja leat vuođđuduvvon sámiid iešmearridanvuoigatvuhtii ja višuvdnii ahte mis lea máŋggabealat ja nana sámi servodat.1 Norgga stáhta lea vuođđuduvvon guovtti álbmoga eatnamiidda – dážaid ja sámiid. Sápmi fas lea lávdaduvvon njealji riikkarájá rastá. Buot sámit, beroškeahttá riikkas, fylkkas dahje gielddas, galget sáhttit defineret ja fuolahit iežaset sámi identitehta ja bissut das. Sámit leat gievrramusat go sii leat ovttas, beroškeahttá riikkarájáin.

Nana Sámediggi lea eaktun Sámi viidásat ovddideapmái. Sámedikki oaidnu, mii maid deattuhuvvo Hurdal-julggaštusas, lea ahte Sámediggi dárbbaša oažžut doarvái resurssaid fuolahan dihtii iežas rolla álbmotválljen orgánan sámi álbmoga várás.