Girjjálašvuođapolitihkka

Stáhta girjjálašvuođapolitihka váldoulbmil lea láhčit dili nu ahte sihke fága- ja čáppagirjjálašvuođas galgá leat kvalitehta, viidodat ja girjáivuohta sisdoalu ja šáŋŋera dáfus, ja ahte girjjit leat fidnemis lohkkiide.

Guovddáš váikkuhangaskaoamit girjjálašvuođapolitihkas leat Norgga kulturráđi sisaoastinortnegat, lassiárvodivatluvven bábergirjjiin ja ahte gilvolágamearrádusat eai  guoskka  šiehtadusaide girjesuorggi aktevrraide, main fástahaddeortnet ođđa girjjiide lea guovddážis. Dasa lassin addo stáhtalaš doarjja iešguđet gaskkustandoaimmaide ja stipeanddaide girječálliide.

Norgga kulturráđđi hálddaša sisaoastinortnega. Stáhta oastá dihto meari ođđa girjjiid ja skeŋke daid álbmot- ja skuvlagirjerájuide. Girjjit leat lassin daid girjjiide maid girjerájut ieža ostet. Sisaoastinortnegiin lea stuora mearkkašupmi  go ođđa lohkkiide galgá juohkit girjjiid, muhto duddjo maiddái dáiddapolitihkalaš váikkuhangaskaoapmin.

Ráđđehus doarju prošeavtta “Norge som hovedland” girjemeassus Frankfurt gávpogis jagis 2019. Stáhta lea lohpidan 30 miljovdnasaš doarjaga mii juhkkojuvvo gaskal Kulturdepartemeantta, Ealáhus- ja guolástusdepartemeantta ja Olgoriikadepartemeantta jagiin 2018 ja 2019.

Girjemeassu Frankfurtas lea máilmmi stuorimus olgoriikavuovdinárena girjjiin. Dalle čađahuvvojit sullii 300 doalu mat leat čadnon riikka girjjálašvuhtii. Dasa lassin ráhkaduvvojit rámmaprográmmat eará institušuvnnain Frankfurtas ja muđui Duiskkas. Dása gullet maid eará dáiddasuorggit nugo teáhter, govvadáidda, designa, filbma ja dánsa.

Bajás