Ođđa boazomearkaláhkanjuolggadus
Ođas | Almmustahtton: 30.08.2022 | Maŋimuš ođasmahttojuvvon: 19.09.2022 | Eanadoallo- ja biebmodepartemeanta
Eanadoallo- ja biebmodepartemeanta lea dál mearridan ođđa boazomearkaláhkanjuolggadusa. Láhkanjuolggadus sihkkarastá seammalágan meannudeami boazomearkaáššiin ja dahká vejolažžan álmmuhit ođđa digitála mearkaregistara.
Boazodoalus lea boazomearkkain stuora árvu ja nanu árbevierut. Sámi boazodoalloguovlluin ii sáhte oamastit bohccuid jos ii leat boazomearka.
- Forskrift om reinmerker (Boazomearkaláhkanjuolggadus)
Ođđa láhkanjuolggadus áimmahuššá boazodoalu árbevirolaš mearkavuogádaga. Dat sihkkarastá ahte lahtut mearkalávdegottiide ja váidalanlávdegottiide nammaduvvojit seamma vuogi mielde, ja ahte boazomearkaáššit maid meannuduvvojit ovttalágan ja einnosteaddji vuogi mielde. Dasa lassin addá láhkanjuolggadus vuođu almmuhit boazomearkkaid digitála registaris.
Eanadoallodirektoráhta lea ovdánahttán ođđa digitála mearkaregistera mii galgá almmuhuvvot čakčamánu 14.beaivvi Álttás. Boazodoalloealáhus lea guhká ohcalan dánlágan reaiddu.
