Duktan- ja hálddahusossodat

Ossodaga ovddasvástádus lea dutkanpolitihkka ja maid departemeanta hálddahusdoaimmaid ovdáneapmi ja doaimmaheapmi, dás maiddái hálddahusa doarjjafunkšuvnnaid mii guoská politihkalaš jođiheddjiide ja departemeantaráđđái.

Dehálaš barggut lea ovddidit dutkan- ja ođastanpolitihka, áimmahuššat sektorovddasvástádusa mii guosk eanandoalloohppui buot dásiin, ja láhčit dili buori bargoveahkahálddašeapmái ja organisašuvdnaovddideapmái, ja áimmahuššat dohkálaš diehtojuohkinhálddašeami ja oadjebasvuođa departemeanttas. Ossodagas lea ee. ovddasvástádus departemeanta etáhtastivrejupmái mii guoská Norsk institutt for bioøkonomi (NIBIO) (Norgga bioekonomiija instituhtta), ja stivrengulahallan Norgga dutkanráđiin, ja maid koordinerendoaimmat máŋggaid guovddáš osiide stáhtabušeahtas, siskkáldas doaibmastivren ja gearggusvuođaáššit. Dasa lassin galgá ossodat maid addit buori hálddahuslaš doarjaga politihkalaš hoavddaide, departemeantaráđđái ja doibmii muđui. 

Stáhtaráđđeossodat

Stáhtaráđđeossodat doaibmá politihkalaš jođihangotti ja departemeantaráđi čállingoddin. Váldobargu lea vástidit politihkalaš jođihangotti ja departemeantaráđi hálddahuslaš doarjjafunkšuvnnaid. Ossodat galgá maid koordineret departemeantta ráđđehusnotáhtaid, Stáhtaráđi áššiid, Stáhtaráđi searvamiid Stuoradikkis, raporttaid Stáhtaministara kantuvrii (SMK), ja čielggadit makkár čoahkkimiin ja lágidemiin politihkalaš jođihangoddi galgá searvat.     

Ossodaga čuovvovaš sekšuvnnat:

  • Juogus áigu bargat dan ala ahte ovdánahttit dutkan-, innovašuvdna- ja oahppopolitihka.

    Deaddu biddjo rámmaeavttuide ja almmolašvuođa rollii. Juhkosis lea ovddasvástádus doaimmahit departemeantta etáhtajođiheami ásahusas Norsk institutt for bioøkonomi (NIBIO) ja stivrenságastallama Norgga dutkanráđiin, lassin dan oktavuhtii mii lea ásahusain Selskapet for industrivekst SF (SIVA). Ráđđehusa guhkitáiggeplána čuovvoleapmi das mii guoská dutkamii ja alit ohppui ja bioekonomiija ovdáneapmái Norggas lea guovddážis. Viidáseappot bargá juogus instituhttapolitihka hábmemiin, eanadoallo- ja biebmofágalaš dutkanbirrasa čuovvolemiin ja das lea ovddasvástádus čuovvolit riikkaidgaskasaš dutkanovttasbargguid eanadoallo- ja biebmosuorggis. Juogus koordinere ja čuovvola departemeantta suorgeovddasvástádusa rekrutteret eanadoalloohppui buot dásiin, ja suorggi gelbbolašvuođadoaimmaid. Juogus fuolaha gulahallama Máhttodepartemeanttain ja Ealáhus- ja guolástusdepartemeanttain ja eará departemeanttaiguin gullevaš surggiin.

  • Bargoveaga- ja organisašuvdnasekšuvdna

    Sekšuvnna ovddasvástádus lea ovdánahttit organisašuvnna ja mielbargiid vai nagodit čađahit buriid bistevaš čovdosiid ja ulbmiliid. Sekšuvdna galgá earret eará fuolahit bargiidháhkandoaimmaid, virgádemiid, gealboovdánahttima, bálkášiehtadallamiid, DBS ja ráđđeaddidoaimmaid departemeantta jođiheddjiide ja vuollásaš doaimmaide. Sekšuvnnas lea maid ráđđeaddiovddasvástádus nuppástuhttindoaimmaid oktavuođas, ja sekšuvnna ráđđeaddidoaibma čađahuvvo bargorievtti njuolggadusaid, almmolašvuođalága ja hálddašanlága vuođul departemeantta ja ossodagaid bargosurggiid siskkobealde.

  • Web, IT ja dokumentašuvdna sekšuvdna

    Sekšuvdna galgá gozihit ja oktiiheivehallat departemeantta gearggusvuođaáššiid ja das lea maid láidesteaddji- ja oktiiheivehallanovddasvástádus IKT doaimmaid ektui mat gullet eanadoallo- ja biebmohálddašeapmái. Sekšuvdna galgá maid gozihit Departemeantta sihkkarvuođa- ja bálvalusorganisašuvnna (DSS) bálvalusaid, masa gullet maid DGT-bálvalusat. Sekšuvdna galgá maid vástidit departemeantta arkiivadoaimmaid, intraneahttadoaimmaid ja departemeantta bálvalusguovddáža jođiheami.

  • Ekonomiijahálddašan- ja bušeahttasekšuvdna

    Sekšuvnnas lea earenoamáš ovddasvástádus koordineret departemeantta ekomiijaáššiid, ja deháleamos bargu lea ráhkadit jahkásaš stáhtabušeahttaárvalusa (Prop 1S), ja gozihit ahte departemeanta jođihuvvo ja stivrejuvvo beaktilit, ja čuovvolit riikkarevišuvdnaáššiid. Dan lassin galgá sekšuvdna vástidit stáhtarehketdoalu raporterengeatnegasvuođaid, ossodagaid bagadallat bušeahtta- ja ekonomiijaáššiin ja departemeantta iežas opmodaga hálddašit. Sekšuvdna lea maid mielde departemeantta vuollásaš etáhtaid stivremis.