Ossodagat

Hálddahusossodat

Kultur- ja dásseárvodepartemeanta

Hálddahusossodat ovddida stivrenvuogádagaid ja mearrida bajitdási njuolggadusaid departemeantta beaktilis ja oktiiheivehuvvon jođiheapmái. Ossodat áimmahuššá hálddahuslaš áššiid ja fuolaha ahte departemeanta stivrejuvvo gustovaš lágaid ja njuolggadusaid mielde.

Ossodaga čuovvovaš sekšuvnnat:

  • HR-juogus (AD1)

    HR juhkosis lea ovddasvástádus rekrutteremis, bargiidhálddašeamis ja bálkáhálddašeamis departemeanttas. Juogus bargá jođiheddjiid- ja mielbargiidovddidemiin, gealbudemiin ja organisašuvdnaovddidemiin, ja doarju fágalaččat áššiin mat gusket mielbargiidčuovvuleapmái ja rievdadan- ja ovddidanproseassain. Juhkosis lea maiddái ovddasvástádus siskkáldasgulahallamis ja departemeantta intraneahta doaimmaheamis ja ovddideamis.

  • Stáhtabušeahttajuogus (AD2)

    Stáhtabušeahttajuhkosis lea ovddasvástádus oktiiheiveheamis ja čađaheamis departemeantta barggu stáhtabušeahtain ja stáhtarehketdoaluin. Juogus fuolaha oktiiordnema, kvalitehtasihkkarastima ja analysa bušeahttaproseassas ja doarju departemeantta jođihangotti ja fágajuhkosiid fágalaččat. Váldobargamušaide gullá áigemeriid čuovvuleapmi, bušeahttaárvalusaid oktiiordnen, loguid sihkkarastin ja jotkkolaš bargu stáhtabušeahta ja stáhtarehketdoalu oktavuođas.

  • Hálddašanjuogus (AD3)

    Hálddašanjuhkosis lea ovddasvástádus dorvvolašvuođas ja gearggusvuođas departemeanttas. Dasa gullá eastadeaddji dorvvolašvuohta, diehtojuohkinsihkkarvuohta, fysalaš dorvvolašvuohta, bargiidsihkkarvuohta ja servodatsihkkarvuođa ja gearggusvuođa oktiiordnen. Juhkosis lea maiddái ovddasvástádus ovddideamis ja doaimmaheamis departemeantta arkiiva- ja dokumeantahálddašeami, oktan poastavuostáiváldimiin ja ášše- ja arkiivavuogádaga vuogádathálddašemiin. Dasa lassin oktiiordne departemeanta digitaliseren- ja teknologiijabarggu.

  • Plána- ja stivrenjuogus (AD4)

    Plána- ja stivrenjuhkosis lea vuogádatovddasvástádus siskkáldas stivremis ja bearráigeahčus, etáhtastivremis, eaiggátstivremis ja doarjjahálddašeamis. Juhkosis lea maiddái ovddasvástádus siskkáldasbušeahtas, rehketdoalus, ekonomiijabargodábiin, áššiin mat gusket Riikarevišuvdnii ja jahkeraporteremii, ja fuolaha ollislaš ja oktiiordnejuvvon čuovvuleami departemeantta ekonomiija- ja stivrenproseassain. Juogus oktiiordne departemeantta áššiid ráđđehuskonferánssaide, ovdanbuktimiidda ja gulaskuddamiidda. Juogus gieđahallá maiddái stuorát raporteremiid Stuorradiggái ja Stáhtaministara kantuvrii.