Ruoná vearromolsun
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 45/2016 | Almmustahtton: 06.10.2016 | Maŋimuš ođasmahttojuvvon: 12.10.2016
Ráđđehus evttoha ruoná vearromolsuma. Klimagássaid ja boaldámušaid luoitindivadat lasihuvvojit birrasiid 1,6 miljárdda ruvnnuin. Sii geat eanemusat nuoskkidit fertejit eambbo máksit goluid ovddas maid servodahkii dagahit. Seammás evttohuvvojit surggiid mielde geahpádusat vearuin, divadiin ja buhtadusain nu ahte boahtá buorrin biilavuddjiide ja fievrrededdjiide.
Ráđđehusa evttohus mielddisbuktá stuorámus birasdivadiid lassáneami mii lea leamašan badjel logi jahkái.
– Ruoná vearromolsun veahkeha nannet dálkkádatsoabahusa ja geahpidit dálkkádatgássaluoitimiid, dadjá ruhtadanministtar Siv Jensen (OvB).
Ráđđehus evttoha earret eará lasihit geaidnogeavahandivada ja geahpidit biillain jahkedivvada.
– Sirdit divadiid das ahte eaiggáduššat biilla ja dasa ahte nuoskkidit lea buorre doaibma vai geahpida luoitimiid biillain, dadjá ruhtadanministtar.
Oktiibuot ožžot biilavuoddjit ja fievrredeaddjit geahpádusaid ja buhtadusaid birrasiid 900 miljovnna ruvnno ovddas ruoná vearromolsuma evttohusa geažil.
Lassánan divadat
- Ráđđehus evttoha lasihit geaidnogeavahandivada dieselis ja bensiinnas 35 evrriin ja 15 evrriin juohke lihttaris. Dát geahpida divaterohusa gaskal diesela ja bensiinna. Lassáneapmi váikkuha buorideame haddebidjama geaidnojohtolaga olgguldas goluin.
- Ráđđehus evttoha lasihit CO2-divada minerálaoljjus 20 evrriin juohke lihttaris. Evttohus čuovvu Ruoná vearrokommišuvnna ávžžuhusaid das ahte lasihit CO2-divada vuollegis máksomeriid bajás diesela ja bensiinna CO2-divada dássái.
- Ráđđehus evttoha lasihit HFK ja PFK dálkkadatgássaid divada diesela ja bensiinna CO2-divada dássái, ja lasihit divvada petroleumdoaimmaid luonddugássaid luoitimiin áibmui. Goappeš evttohusat čuvvot Ruoná vearrokommišuvnna ávžžuhusaid.
Geahpádusat ja buhtadusat
Lassánan boaldámušdivadiid evttoha ráđđehus buhttet ná:
- Geahpidit biillain jahkedivada reálat 12 proseanttain.
- Lasihit mátkegeasusmeari sidjiide geat šaddet guhkás mátkkoštit barggu geažil. Gessosa lasáhus boahtá maiddái guoskat sidjiide geat mátkkoštit kollektiivvalaččat.
- Lasihit árvovuolidanlogu guorbmebiillaide ja gálvobiillaide.
- Juolldudit 500 miljovnna ruvnno doarjjaortnegii vai geahpida bummaruhtatávsttaid gávpotguovlluid olggobealde.
- Ráđđehus láhčá dili dasa ahte eanan- ja vuovdedollui buhttejuvvo lassánan CO2-divat. Ráđđehus boahtá ruovttoluotta dan ásaheapmái 2017 eanandoallošiehtadusas.