13.1 ON’ cealkámuš álgoálbmogiid vuoigatvuođaid
birra
Norga šiehtadallá aktiivvalaččat
ON’ álgoálbmotcealkámuša
birra mas maiddái Sámediggi lea fárus.
Sámedikki
jahkedieđáhus kap. 2.10
ja 3.11
Norgga bealis leat ee. geahččalan
gávdnat čovdosiid álgoálbmogiid
iešmearridanvuoigatvuođa gažaldahkii.
Norgga árvalusaid mielde bargojuvvo dál
dan guvlui ahte oppalaččat dohkkehit álgoálbmogiid
iešmearrideami mii heive daidda cealkagiidda mat
lea ON’ resolušuvnnas ráfálaš
ovttasbarggu birra stáhatid gaskka mat vuhtiiváldet
stáhtaid teritoriála integritehta
seammás go vuhtii váldet olmmošvuoigatvuođaid.
Sámediggi lea mielde Norgga šiehtadallansáttatgottis. Ráđđehus áigu váikkuhit
dasa ahte šiehtadallamat válbmanivčče
ovdal go Gaskariikkalaš álgoálbmotlogijahki
(2004) nohká. Ulbmil lea ahte cealkámuš
livččii mielde nanneme álgoálbmogiid vuoigatvuođaid. Ráđđehusa
oaivil sámi iešmearrideami hárrái
lea muđui gieđahallojuvvon St.dieđáhusas
nr. 33 (2001–2002), čuo. 4.1.