Corona-dilli
Mii čohkket buot dehálaš dieđuid doaibmabijuid ja rávvagiid birra maid ráđđehus ja departemeanttat addet álbmogii.
Áigeguovdil dál
Bušeahtta mii doaimmaid lasiha ja eambbogiid searvadahttá
Čuovgadat áigi orru boahtimin, muhto dilli lea ain hui eahpesihkkar ja pandemiijaroassu lea muhtumiidda čuohcan hui garrasit. Reviderejuvvon bušeahtas ráđđehus vuoruha doaibmabijuid geahpedit njoammudávdda guhkesáiggeváikkuhusaid ja sin veahkehit geaidda njoammun lea čuohcan erenoamáš garrasit. Reviderejuvvon stáhtabušeahttaevttohusain ráđđehus nanne ja ođasmahttá iežas strategiija vai Norga bures birge roasu čađa.
Proposišuvdna Boazodoallošiehtadusa 2021/2022 birra ovddiduvvon Stuoradiggái
Odne lea ráđđehus ovddidan proposišuvnna Boazodoallošiehtadusa 2021/2022 birra Stuoradiggái. Norgga boazosápmelaččaid riikkasearvi ja Stáhta šiehtaiga šiehtadusa guovvamánu 17. b. 2021. Boazodoallošiehtadusa rámma 2021/2022 ovddas lea 164,5 miljovnna ruvnno, mii lea 15 miljovnna eanet go dálá šiehtadus.
Ođđa bagadeaddji boazodoalu ja plána- ja huksenlága birra
Eanandoallo- ja biebmodepartemeanta lea ráhkadan ođđa bagadeaddji boazodoalu ja plána- ja huksenlága birra. Bagadeaddji sáhttá leat ávkkálaš buot aktevrraide geat leat mielde plánenproseassain mat gusket boazodoalloguovlluide.
Ráđđehusa plána servodatdoaimmaid rahpama hárrái: Ovttas beassat roasus
Norga ii pláne dábálaš doaibmadássái máhccama dihto beaivái, muhto meroštallá makkár eavttut galget ollašuvvat dalle go servodat beassá doaibmagoahtit fas ovddeža láhkai. Plánas celkojuvvo man ortnegis iešguđet servodatdoaimmain besset máhccat dábálaš dillái. Dábálaš dillái máhccanleavttu plánejit dieđuid vuođul, eaige fal guđe beivviid dat galgá dáhpáhuvvat. Mánáid ja nuoraid vuoruhit ovddemužžii, dasto bargosajiid ja ealáhusaid.
Doaimmat rádjarasttildeaddji boazodolliide leat sohppojuvvon
Norgga-Ruoŧa gaskasaš boazoguohtunkonvenšuvnna lea leamaš váttis šiehtadit ja oažžut sadjái, ja dat lea dagahan mearkkašahtti ja ollu váikkuhusaid Norgga boazodolliide. Šiehtadallit sohpe dán jagi boazodoallošiehtadallamiin doaimmaid maid ulbmil lea buoridit guoskevaš boazodolliid árgabeaivvi.