Kulturovttasbargu davviguovlluin
Artihkal | Maŋimuš ođasmahttojuvvon: 13.06.2018 | Kultur- ja dásseárvodepartemeanta
Kulturdepartemeanta doarju kulturovttasbarggu golbma davimus fylkkain ja rájáid rastá norgga-ruošša kulturovttasbargoprošeavttaid ruhtadeami bokte ja eará riikkaidgaskasaš ovttasbarggus.
Norgga-ruošša kulturovttasbargu čuovvu golmmajagi ovttasbargoprográmmaid. 2013-2015 vuoruha prográmma ee. visuála dáidaga, dánsuma ja kulturvuđot mátkeealáhusa. Prográmma mielde čuovvu prošeaktadoarjja ovddidit ovttasbarggu dáid surggiin. Ruđat almmuhuvvojit.
Barentskult bokte ruhtaduvvojit norgga-ruošša kulturprošeavttat. Olgoriikadepartemeanta, Finnmárkku, Nordlándda ja Romssa fylkkagielddat ruhtadit ovttas dán prográmma.
Departemeanta nanne kulturovttasbarggu davviguovlluin Davvi Dimenšuvnna Kultursearvevuođa (NDPC) ja Barentsráđi searvama bokte.