Ođastuvvon nationálabušeahtta
Evttoha 100 lassi oahpposaji Politiijaallaskuvlii
Preassadieđáhus | Nr: 81 – 2022 | Almmustahtton: 23.05.2022 | Justiisa- ja gearggusvuođadepartemeanta
2018 ja 2020 jagiid gaskkas Politiijaallaskuvlla politiijaoahpu álgimis (bachelor) geahpeduvvui oahpposadjelohku 720 sajis 400 sadjái. Doalahan dihtii seamma olu politiijaid go dál, šaddet eksámeniin geargan kandidáhtat jahkásaččat áiggi mielde leat vuollegeabbo boahttevaš jagiid vurdojuvvon dárbbu. Ráđđehus danne evttoha juolludit 13,2 miljon ruvnnu 2022 čavčča rájes 100 lassi oahpposajiide Politiijaallaskuvlii.
– Ráđđehus dáhtošii eanet politiijaid miehtá riikka, ja dalle dárbbašat eanet politiijaoahppan olbmuid boahttevuođas. Guovddášbellodagas ja Bargiidbellodagas leat moanat ambišuvnnat Hurdalsplattformenis mat leat nana gitta das ahte skuvlejuvvojit eanet politiijat, dadjá justiisa- ja gearggusvuođaministtar Emilie Enger Mehl.
Das rájes go dálá ráđđehus álggii doaimmas 2021 čavčča, leat Guovddášbellodat ja Bargiidbellodat máŋggaid surggiin nannen politiija.
– Ráđđehus joatká politiijagearggusvuođa nannemiin juolludettiin 13,2 miljon ruvnnu 100 lassi oahpposajiide Politiijaallaskuvlii. Badjelaš čieža mánu ráđđehusas leat Sb ja Bb nannen politiija 200 miljon kruvnnain 2022 bušeahtas, ja ođđajagis almmuhit 146 ođđa politiijavirggi, Lassin galgat háhkat 373 áibbas ođđa mohtorvuojána