Áigeguovdilis njuolggoliŋkkat

    Preassadieđáhusat

    Jagi 2022 reviderejuvvon bušeahta váldologut

    Preassadieđáhus | Nr: 20/2022 | Almmustahtton: 12.05.2022 | Ruhtadandepartemeanta

    Dát sisdoallu lea eanet go 1 jagi boaris.

    Ruhtadandepartemeanta almmustahttá ovtta oasi váldologuin ovdalgo reviderejuvvon bušeahtta almmuhuvvo dii. 10:45, vai buohkat besset árvvoštallat dieđuid mat sáhttet leat sensitiiva gálvomárkana ektui. Dárkilis meroštallojuvvon tabealla almmuhuvvo oktanaga reviderejuvvon nationálabušeahtain.

    Norgga ekonomiija lea dál allakonjunktuvrras, vaikko dilli muđui máilmmis lea hui eahpesihkkar. Ekonomalaš dilli lea nanus ja buorre, dađis eanet besset bargguide ja bargguhisvuohta njiedjá. Fitnodagat muitalit ahte sis váilot bargit, ja bálkkát ja hattit lassánit.

    Nannán-Norgga BNB meroštallojuvvo lassánit 3,6 proseanttain dán jagi ja 2,3 proseanttain boahtte jagi. Dat lea eanet go gaskamearálaš jahkásaš lassáneapmi maŋimuš logi jagi. Registrerejuvvon bargguhisvuohta ii leat  jagi 2008 ekonomalaš roasu rájes leamaš ná vuollegis dásis ja vuordimis dat bissu vuollegis dásis.  

    Ovdalis dán jagi evttohuvvojedje ja mearriduvvojedje sierra doaimmat sullii 60 miljárdda ruvnno ovddas. Dán bušeahtas evttohat movt dieid liigegoluid galgá gokčat.  Dasa lassin evttohat vel eará rievdadusaid vai olahat balánssa bušeahtas. Jahkái 2022 meroštallojuvvo oljoruhtageavaheapmi 352,2 miljárdda ruvdnui. Dat lea sullii 30 miljárdda ruvnnu vuollelis go ovdal reviderejuvvon bušeahta, muhto ain sullii 30 miljárdda ruvnno eanet go dat mii ráđđehusa lassiproposišuvnnas meroštallojuvvui diimmá čavčča. Ruhtasirdin Stáhta olgoriikka penšunfoanddas dahká 2,9 proseantta, mihtiduvvon navdojuvvon kapitálas jagi álggus.

    Tabealla: Oassi Reviderejuvvon nationálabušeahta váldologuin 20221

     

    2021

    2022

    Bruttonationálabuvtta Nannán-Norga

    4,2

    3,6

    Barggahus, olbmot

    1,2

    3,0

    Bargguhisvuođalogut, AKU (dássi)

    4,4

    3,3

    Bargguhisvuođalogut, registrerejuvvon (dássi)

    3,1

    1,8

    Struktuvrralaš oljomuddejuvvon bušeahttavuolláibáza, mrd. ruvnno

    354,4

    352,2

     

    Bušeahttaimpulsa2

    -0,6

    -0,5

    SPU-golut3

    3,2

    2,9

    1Proseanttalaš volumarievdadus jos eará ii leat almmuhuvvon.

    2 Struktuvrralaš oljomuddejuvvon vuollebáza proseantan BNP-Nannán-Norggas. Ovddit jagi rievdadus lea proseantaovttadaga mielde.

    3 Struktuvrralaš, oljomuddejuvvon vuollebáza proseantan Stáhta olgoriikka penšunfoandda (SPU) kapitálas jagi álggus

    Gáldut: Statistihkalaš guovddášbyrå ja Ruhtadandepartemeanta.

     

    Bajás