Proposišuvdna Boazodoallošiehtadusa 2022/2023 birra ovdanbuktojuvvon Stuoradiggái

Ráđđehus lea odne buktán ovdan proposišuvnna Boazodoallošiehtadusa 2022/2023 birra. Norgga Boazosápmelaččaid Riikkasearvi ja stáhta šihtte šiehtadusa guovvamánu 10. b. 2022. Šiehtadusa rámma lea 180 milj. ruvnno, mii lea 15,5 milj. ruvnno lasáhus dálá šiehtadusas.

Proposišuvdna čájeha oppalaš gova boazodoallošiehtadusa vuođus, ja dárkilit boazodoallopolitihka ja dálá šiehtadusa birra, ja dárkilit Boazodoallošiehtadusa 2022/2023 šiehtadallamiid ja sisdoalu birra. Proposišuvdna čilge boazodoalu ovdáneami ja muhtun guovddáš politihkkasurggiid birra.

Boazodoallošiehtadusa 2022/2023 váldovuoruhusat leat njuolggodoarjagat, váraváldin boazodoalu eatnamiin, dálkkádatheiveheapmi ja gearggusvuohta boazodoalus, rekrutteren ja vuođđostrukturdoaibmabijut. Vuoruheamit nannejit ealáhusa rámmaeavttuid mearkkašahtti.

Proposišuvdna Boazodoallošiehtadusa 2022/2023 birra ovdanbuktojuvvon Stuoradiggái
Proposišuvdna Boazodoallošiehtadusa 2022/2023 birra ovdanbuktojuvvon Stuoradiggái. Govva: Tom Gustavsen/Markedsutvalget for reinkjøtt.