ENOVA

Enova SF ásahuvvui jagi 2001, ja das leat kantuvrrat Troandimis. Enova mihttomearri lea váikkuhit dálkkádatluoitimiid geahpedeapmái, energiija váráiduhttinsihkkarvuođa  nannemii ja teknologiijaovdáneapmái, dainna ulbmilin ahte unnidit dálkkádatluoitimiid guhkit áigái. Enova doaibma ruhtaduvvo Dálkkádat- ja energiijafoandda ruđaiguin mat juolluduvvojit stáhtabušeahta bokte. Jagi 2018 juolluduvvui sullii 2,7 miljárdda ruvnnu fondii. 

Dálkkádat- ja birasdepartemeanttas lea eaiggádin ovddasvástádus čuovvulit stáhtafitnodaga. Enova stivremis čuvvojuvvojit ulbmil- ja boađusstivrenprinsihpat. Enovas lea viiddis fágalaš friddjavuohta ovddidit váikkuhangaskaomiid ja juolludit doarjagiid ovttaskas prošeavttaide. Ovddasvástádus- ja rollajuogadeapmi gaskal departemeantta mii lea barggaheaddji ja Enova  doaimmaid álggaheaddjin, lea hui čielggas. Enova galgá hálddašit Dálkkádat- ja energiijafoandda ruđaid máŋggajagaš šiehtadusaid ja jahkásaš bargoreivviid vuođul. 

Departemeantta ja Enova gaskasaš stivrenšiehtadus mii guoská foandaruđaid hálddašeapmái jagi 2017 rájes jagi 2020 lohppii. 

Neahttasiidu: http://www.enova.no/