7 Ekonomalaš ja hálddahuslaš váikkuhusat
Stuorradiggedieđáhus válddaha rámmaeavttuid mat leat vuođđun otná sámepolitihkkii, surggiid rastásaččat. Dat čilge bajimus rámmaid mat dahket stáhta ja gieldda eiseválddiide, ja Sámediggái, vejolažžan fuolahit iežaset rollaid ja ovddasvástádusa. Dieđáhusas lea maiddái oanehis čilgehus ráđđehusa sámepolitihka ulbmiliin ja vuoruhemiin stuorradiggeáigodagas.
Dieđáhusas eai leat doaibmabijut main leat ekonomalaš ja hálddahuslaš váikkuhusat.