St.dieđ. nr. 43 (2008-2009)

Sámedikki 2008 doaimma birra

Sisdollui

1 álggahus

Sámediggi lea ovddidan jahkedieđáhusas Sáme­dikki 2008 barggus birra departementii. Jahkedieđáhus čilge Sámedikki politihkalaš bargguid, doaimmaid máid Sámediggi hálddaša, ja ekonomalaš ja hálddahuslaš hástalusaid.

Sámelága mielde galgá Sámedikki jahkedieđáhus sáddejuvvot Ráđđehussii mii dan jahkásaččat ovddida Stuoradiggái, vrd. evttohus Justiisalávdegoddái sámelága mearrideami oktavuođas (Evttoh. O. nr. 79 (1986–87)). Dát dieđáhus ollášuhttá daid eavttuid.

Dáinna stuoradiggedieđáhusain Ráđđehus dieđiha áššiid máid Sámediggi lea namuhan 2008 jahkedieđáhusastis. Dat fátmmasta maiddái dieđuid das movt áššit mat dieđáhusas namu­huvvojit galget čuovvoluvvot. Sámedikki jahkedieđáhus lea váldon dán dieđáhusa 2. kápihttaliin.

Sámedikki 2008 rehketdoallu čuovvu dán dieđáhusa sierra mielddusin.

Ráđđehus čujuha muđui St.dieđáhussii nr. 28 (2007 – 2008) Sámepolitihka birra mii ovddiduvvui Stuorradiggái 2008 miessemánu 30. beaivvi.

"Áššemeannudeapmái/ovdasiidui"