Dearvvašvuođa- ja fuolahusdepartemeantta ossodagat
Dearvvašvuođa- ja fuolahusdepartemeanttas leat ovcci ossodaga:
- Hálddahusossodat
- Bušeahtta- ja ekonomiijaossodat
- E-dearvvašvuođaossodat
- Eaiggátossodat
- Álbmotdearvvašvuođaossodat
- Dearvvašvuođariekteossodat
- Suohkanbálvalusossodat
- Spesialistadearvvašvuođaossodat
- Gulahallanossodat
-
Hálddahusossodat
Hálddahusossodagas lea ovddasvástádus oktasašbargguid ja koordinerema ovddas Dearvvašvuođa- ja fuolahusdepartemeanttas ja galgá bargat dan ovdii ahte departemeanta čuovvu guovddáš mihtuid ja njuolggadusaid stáhtahálddašeami ovddas.
-
Buseahtta- ja stivrenossodat
Bušeahtta- ja stivrenossodat ovttastahttá bušeahttabarggu Dearvvašvuođa- ja fuolahusdepartemeanttas ja departemeanttaid vuollásaš etáhtaid čuovvoleami.
-
E-dearvvašvuođaossodat
E-dearvvašvuođaossodagas lea ovddasvástádus koordineret digitaliserenbarggu dearvvašvuođa- ja fuolahussuorggis. Digitaliseren lea guovddáš veahkkeneavvu effektiviseret ja viidásit ovdánahttit dearvvašvuođa- ja fuolahusbálvalusa, ja oažžut eanet effektiiva geavaheami almmolaš resurssain.
-
Eaiggátossodat
Dearvvašvuođa- ja fuolahusdepartemeanta hálddaša eaiggátvuođa guvllolaš dearvvašvuođadoaimmahagaide ja Norsk helsenett SF:i. Eaiggátossodaga váldobargu lea áimmahuššat eaiggátstivrema.
-
Álbmotdearvvašvuođaossodat
Álbmotdearvvašvuođaossodaga váldobarggut leat čadnon dearvvašvuođaovddideaddji ja eastadeaddji bargguide álbmotdásis ja maid dearvvašvuođaanalysaide.
-
Dearvvašvuođariekteossodat
Dearvvašvuođariekteossodagas lea ovddasvástádus eanas lágaid ja láhkaásahusaid ovddas mat leat Dearvvašvuođa- ja fuolahusdepartemeantta suorggis.
-
Suohkanbálvalusossodat
Suohkanbálvalusossodagas (SBO) lea váldoovddasvástádus stáhta politihka ovddas mii guoská suohkanlaš dearvvašvuođa- ja fuolahusbálvalusaide mat leat sajáiduvvan lágas suohkanlaš dearvvašvuođa- ja fuolahusbálvalusaid birra ja bátnedearvvašvuođalágas.
-
Spesialistadearvvašvuođabálvalusossodat
Ossodagas lea ovddasvástádus spesialistadearvvašvuođabálvalusa ruhtadeami ovddas ja guvllolaš dearvvašvuođadoaimmahagaid (RHF) diŋgoma ovddas mii lea čadnon daid jahkásaš juolludemiide daidda, ja maid sihkkarastit buori diehtojuohkima spesialistadearvvašvuođabálvalusa birra ja čuovvolit láhkaásahusa.
-
Gulahallanovttada
Gulahallanovttadagas lea ovddasvástádus departemeantta gulahallanstrategiija, mediagulahallama ja heahtegulahallama ovddas. Ovttadagas lea maid ovddasvástádus departemeantta neahttasiidduid ja sosiála mediakanálaid ovddas. Gulahallanovttadat neavvu politihkalaš jođiheami gulahallanáššiin ja bargá ovttas politihkalaš jođihemiin ja departemeantta fágaossodagaiguin.