Ekonomiija- ja stivrensekšuvdna

Sekšuvnna ovddasvástádussii gullá válbmet jahkásaš bušeahttadokumeanttaid Stuoradiggái ja gárvvistit stáhtarehketdoalu. Dat galgá maid ovddasvástidit vuollásaš etáhtaid stivrenvugiid. Čuovvulit ekonomiijanjuolggadusaid ja ulbmil-, boađus- ja riskastivrennjuolggadusaid, oktiiheivehit strategiija- ja ulbmilcealkámušaid, doaibmaplána ja raporttaid, siskkáldas bušeahta, siskkáldas dárkkisteami ja koordineret gulahallama Riikarevišuvnnain. Sekšuvdna addá maid ráđiid ja veahki departemeantta eará ossodagaide namuhuvvon surggiin.