1 Álggahus
Sámedikki dievasčoahkkin mearridii Sámedikki jahkedieđáhusa njukčamánu 5. beaivvi 2015. Jahkedieđáhusas čielggada Sámediggi iežas politihkalaš barggu, daid doaimmaid maid Sámediggi hálddaša ja iešguđetgelágan ekonomalaš ja hálddahuslaš hástalusaid. Jahkedieđáhus lea mielddus 1. Sámedikki 2014 jahkerehketdoallu lea mielddus 2 ja Raporta rehketdoallu – reviderejuvvon bušeahtta 2014 lea mielddus 3.
Dán stuoradiggedieđáhusas leat muhtin áššit Sámedikki jahkedieđáhusas váldojuvvon ovdan ja departemeanta kommentere muhtin oasi dain. Dás čilgejuvvo maid makkár ráđđádallamat leat dahkkojuvvon Sámedikkiin 2014:s ja 2015 vuosttaš jahkebealis.