Ber om innspel til EU sin regulering av digitale plattformer
Historisk arkiv
Publisert under: Regjeringen Solberg
Utgjevar: Kommunal- og moderniseringsdepartementet
Nyheit | Dato: 18.08.2020
EU har starta arbeidet med å regulere dei digitale plattformene, som for eksempel Facebook og Amazon. Både EU-kommisjonen og regjeringa ber norske verksemder om å kome med innspel til prosessen.
Den planlagde reguleringa, som kallast Digital Services Act, blir ein viktig del av EU sin nye digitale strategi. Hensikta med reguleringa er blant anna å leggje til rette for sikker bruk av dei digitale plattformene og andre digitale tenester, vurdere plattformene sitt ansvar for innhald, deira funksjon som portvakt, ytringsfridom og forbrukarane sine rettar.
EU-kommisjonen opnar for at private og offentlege verksemder kan ta del i ein offentleg høyring (konsultasjon) på nett. Konsultasjonen er open til 8. september.
I tillegg vil regjeringa sende inn eit samla innspel til EU-kommisjonen. Kommunal- og moderniseringsdepartementet planlegg eit digitalt innspelmøte 28. august. Nærare informasjon og invitasjon til dette møtet kjem om kort tid.