191 millionar kroner meir i frie inntekter til Aust-Agder neste år

Tabellen viser fordelinga av dei frie inntektene for kommunane i Aust-Agder og Aust-Agder fylkeskommune og den nominelle veksten frå 2016 til 2017. Veksten er rekna frå oppdatert overslag på frie inntekter for 2016. Dette overslaget inkluderer ei oppjustering av skatteinntektene for kommunesektoren i 2016 på 3,8 milliardar kroner i Prop. 1 S for 2017. Dersom ein ikkje reknar med dei ekstra skatteinntektene, vil veksten frå 2016 til 2017 verte høgare enn tabellen viser. Overslaget på dei frie inntektene i 2017 vert ikkje påverka av måten ein reknar veksten.

I all hovudsak kan variasjonen i veksten mellom kommunar og mellom fylkeskommunar forklarast med utvikling og endring i befolkninga, endringar i skjønnstillskotet og endringar i inntektssystemet. For små kommunar kan mindre endringar gi store utslag i vekstprosenten.

Kommune	Overslag  på frie inntekter 2017	Vekst i 2017 rekna frå overslag på frie inntekter 2016		Vedlikehalds- tilskot
	(1000 kr)	Nominelle kroner (1000 kr)	Prosent	(1 000 kr)
	1	2	3	4
0901 Risør	373 791	9 665	2,7	2 414
0904 Grimstad	1 151 588	35 095	3,1	5 203
0906 Arendal	2 240 901	69 709	3,2	16 278
0911 Gjerstad	150 370	2 697	1,8	773
0912 Vegårshei	133 414	1 587	1,2
0914 Tvedestrand	339 009	7 436	2,2	1 948
0919 Froland	304 051	5 349	1,8	812
0926 Lillesand	380 782	13 854	3,8
0928 Birkenes	283 604	5 075	1,8	741
0929 Åmli	133 195	5 289	4,1
0935 Iveland	89 396	1 161	1,3
0937 Evje og Hornnes	203 697	5 497	2,8
0938 Bygland	89 841	1 819	2,1
0940 Valle	87 042	1 256	1,5
0941 Bykle	80 584	1 015	1,3
Fordelast gjennom året	6 800
Aust-Agder	6 048 065	169 602	2,9	28 169
Aust-Agder fylkeskommune	1 505 504	21 074	1,4

Første kolonne:
Viser overslag på kor mykje kvar kommune og fylkeskommune får i frie inntekter i 2017, målt i 1000 kroner.

Andre kolonne:
Viser overslag på vekst frå overslag på rekneskap for 2016 til nasjonalbudsjettet 2017 målt i nominelle kroner. Veksten er korrigert for endringar i oppgåvene til kommunane.

Tredje kolonne:
Viser den nominelle veksten målt i prosent.

Fjerde kolonne:
Regjeringa føreslår eit tilskot til kommunane på Sør- og Vestlandet på 650 millionar kroner til vedlikehald og rehabilitering av veg, bygg og anlegg i 2017. Midlane kjem i tillegg til veksten i kommunane sine inntekter og er fordelt til kommunar i Aust- og Vest-Agder, Rogaland, Hordaland, Sogn og Fjordane og Møre og Romsdal som har høgare arbeidsløyse enn gjennomsnittet for landet. 250 mill. kroner vil bli vurdert på nyåret når ein ser utviklinga i arbeidsløysa. Kolonne 4 viser den einskilde kommune sin del av tilskotet.