Presseinvitasjon: Fiskeriministeren til Bømlo, Stord og Austevoll

- Dette er ei av dei viktigaste regionane for norsk sjømatnæring. Og det er veldig viktig for meg å få innspel frå næringslivet når vi no skal utforme ein framtidsretta og berekraftig sjømatpolitikk, seier fiskeriminister Elisabeth Aspaker.

I Bømlo møter fiskeriministeren Bremnes Seashore, der får ho sjå nærmare på ein ny ventemerd på land. Ho møter også AGA Halibut, og synfare deira anlegg for kveiteoppdrett. På Stord møter ho Akvator, og får ei orientering om kystsoneplan for Sunnhordland og ytre Hardanger.

I Austevoll skal fiskeriministeren opne Heimelaga, ein ny fiskebutikk som også er eit fiskemottak. Dei handlar fersk fisk rett frå kai. Ho skal møte næringa, og gjeste forskingsstasjonen til Havforskningsinstituttet. Her får ho også presentert planane for Blått kompetansesenter sør.