Svar på skriftleg spørsmål om næringsforbod for pelsdyrnæringa
Historisk arkiv
Publisert under: Regjeringen Solberg
Utgjevar: Landbruks- og matdepartementet
Svar til Stortinget | Dato: 23.03.2018
Mottakar: Stortinget
Dykkar referanse:
Spm nr 1200
Vår referanse:
18/335-2
Landbruks- og matminister Jon Georg Dale har svart på skriftleg spørsmål frå stortingsrepresentant Geir Pollestad (Sp) om innføring av eit næringsforbod for pelsdyrnæringa, om kor mange færre skinn av mink og rev vil det verte omsett på verdsmarknaden som fylgje av dette.
Svar på spørsmål nr. 1200 frå stortingsrepresentant Geir Pollestad
Representanten Pollestad har stilt følgjande spørsmål for skriftleg svar:
«I regjeringsplattforma til H, Frp og V går ein inn for å innføra eit næringsforbod for pelsdyrnæringa. Kor mange færre skinn av mink og rev vil det verte omsett på verdsmarknaden som fylgje av dette?»
I Meld. St. 8 (2016-2017) er det oppgitt tal for omsetnad av norske skinn gjennom auksjonshusa i Finland og Danmark i 2015. Det vart selt over 59 tusen sølvrevskinn, over 51 tusen blårevskinn og 811 tusen minkskinn.
Det står også at den norske produksjonen av reveskinn utgjer under to prosent av verdsproduksjonen, og at den norske produksjonen av minkskinn utgjer om lag ein prosent av verdsproduksjonen.
Med helsing
Jon Georg Dale