Sylvi Listhaug er ny eldre- og folkehelseminister
Historisk arkiv
Publisert under: Regjeringen Solberg
Utgiver: Helse- og omsorgsdepartementet
Nyhet | Dato: 03.05.2019
Sylvi Listhaug (Frp) er 3. mai utnemnd til ny eldre- og folkehelseminister i Helse- og omsorgsdepartementet. Ho tek over for partifelle Åse Michaelsen.
41 år gamle Listhaug har lang fartstid i politikken og har vore statsråd i regjeringa Solberg tidlegare: Først som landbruks- og matminister, deretter innvandrings- og integreringsminister, og sist som justis-, beredskaps- og innvandringsminister. Ho gjekk av i mars 2018.
Siste året har Sylvi Listhaug vore medlem av helse- og omsorgskomiteen på Stortinget, eit fagfelt ho kjenner godt frå tida som byråd for Helse- og eldreomsorg i Oslo (2010-2012). Før det var Listhaug byråd for velferd og sosiale tenester i hovudstaden (2006-2009).
Listhaug er oppvaksen på familiegarden i Ørskog på Sunnmøre. I slutten av tenåra var ho pleieassistent på aldersheimen i Ørskog. Ho er utdanna adjunkt frå Høgskulen i Volda, og har vore innom læraryrket. Listhaug har også jobba eit år i PR-byrået First House. Ho er gift og mor til tre.