Tilretteleggingsmidlar til næringsutvikling og kompetanseheving i landbruket
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 24.04.2020
Organisasjonar og institusjonar kan no søkje Landbruksdirektoratet om tilskot til nasjonale eller fylkesoverskridande tilretteleggingstiltak innan næringsutvikling og kompetanseheving med mål om auka verdiskaping i landbruket. Døme på slike tiltak kan vere prosjekt innan rekruttering , mobilisering, kunnskapsutvikling (kartleggingar og liknande), omdømmebygging, utvikling av kompetansetilbod eller andre kompetansehevande tiltak.
Tilskotsordninga blei oppretta i forbindelse med jordbruksoppgjeret i 2019. For 2020 er det om lag 6 millionar kroner til disposisjon for nye prosjekt med oppstart i 2020.
Søknadsfristen er 1. juni.
- Du kan lese meir om tilskotsordninga hos Landbruksdirektoratet
