Regjeringa har i dag vedteke ei føresegn om særlege tiltak mot Republikken Zimbabwe.

Føresegna er vedteke med heimel i lov av 27. juni 2003 nr. 58 om særlige tiltak mot Republikken Zimbabwe.

Samstundes som Regjeringa iverkset målretta tiltak mot Mugabe-regimet, slik mange andre land alt har gjort, har Noreg oppfordra Zimbabwes naboland, særleg Sør-Afrika, til å trappe opp si innsats for dialog mellom regjering og opposisjon i Zimbabwe med sikte på å finne ei forhandlingsløysing som kan sikre demokrati og menneskerettar i landet.

Utanriksdepartementet kan oppheve føresegna dersom situasjonen i Zimbabwe endrar seg til det betre og partane finn fram til ei forhandlingsløysing.

Føresegna inneheld

• forbod mot eksport av våpen eller tilknytta materiell, og formidling til Zimbabwe av teknisk hjelp eller opplæring knytta til slikt materiell

• forbod mot eksport av utstyr som kan nyttas til nasjonal undertrykking

• forbod mot innreise til eller transitt gjennom Noreg for personar knytta til Mugabe-regimet

• påbod om frysing av formuesgode som høyrer til desse personane, og forbod mot å stille formuesgode til rådvelde for dei.

Brot på føresegna kan føre med seg straff.

Føresegna tek til å gjelde straks, og vil om kort til vere tilgjengeleg på www.lovdata.no.