Historisk arkiv

500 færre heilt ledige i august

Historisk arkiv

Publisert under: Regjeringen Solberg

Utgjevar: Arbeids- og sosialdepartementet

Nye tal frå Arbeids- og velferdsdirektoratet syner at det blei i underkant av 500 færre heilt ledige i august.

Målt som del av arbeidsstyrken var den sesongjusterte registrerte arbeidsløysa 2,2 prosent i august. Det er 0,1 prosenteining lågare enn i juli. Summen av heilt ledige og ledige på tiltak fall med om lag 1 100 personar i same periode.

– Tala syner at den positive utviklinga i arbeidsmarknaden held fram, men det er fleire som ønskjer å bidra i arbeidslivet! Derfor vonar eg at bedriftene ringer NAV når dei treng folk, seier arbeids- og sosialminister Anniken Hauglie.