Statnett SF er systemansvarleg nettselskap i det norske kraftsystemet, og har ansvar for samfunnsøkonomisk rasjonell drift og utvikling av det sentrale overføringsnettet for kraft. 

Ragnar Torvik er professor i samfunnsøkonomi ved NTNU. Han har lang erfaring frå akademia, og har i tillegg leia og vore medlem av ei rekkje offentlege utval. Torvik er leiar av Finanspolitikkutvalet i perioden 2023-2027, har tidlegare leia Skatteutvalet (NOU 2022:20) og vore medlem av blant anna Klimarisikoutvalet (2018:17) og ekspertgruppa for økonomisk politikk under koronapandemien. Torvik er i dag nestleiar i styret i Trondheim kommunale pensjonskasse og styremedlem i Det Kongelige Norske Videnskabers Selskab. Torvik er tidlegare styremedlem i Statistisk sentralbyrå.

Kjersti Kanne er sivilingeniør frå NTNU og er i dag administrerande direktør i Baneservice. Ho er tidlegare administrerande direktør i Elop Technology, og har 25 års erfaring frå operativ og teknologisk leiing innan olje og gass, blant anna i Baker Hughes og GE Oil & Gas. Kanne er i dag styremedlem i RailCom, PowerOn og Entreprenørforeningen - Bygg og Anlegg. Ho har tidlegare vore styremedlem i NRC Group.

Egil Gjesteland og Maria Sandsmark trer samtidig ut av styret i Statnett SF. Gjesteland og Sandsmark har vore styremedlemmer sidan høvesvis 2012 og 2013. Begge har tilført styret verdifull kompetanse gjennom mange år.

Etter føretaksmøtet 22. juni ser styret i Statnett SF slik ut:

Nils Kristian Nakstad – styreleiar

Wenche Teigland – nestleiar

Christian Reusch – medlem

Mette Helene Bjørndal – medlem

Ragnar Torvik - medlem

Kjersti Kanne - medlem

Erika Stadler – tilsettvald representant

Kåre Eidem – tilsettvald representant

Børre Langgard – tilsettvald representant