Klima- og miljøministeren til London for å fremje natur og urfolksrettar

I London skal han ta del i diskusjonar om korleis verda kan sikre meir og betre finansiering for natur. Det blir òg ei mottaking med kong Charles, som sjølv er engasjert i arbeidet med å finne løysingar for naturvern.

Statsråden er invitert av prinsessa og prinsen av Wales til eit eksklusivt møte med ministrar, urfolksleiarar og filantropar. Målet er å samle støtte til urfolksrettar og skogvern i forkant av neste klimatoppmøte, som skal haldast i Brasil seinare i år. Noreg leier eit samarbeid med Brasil og Peru for å styrkje urfolks landrettar, og er blant dei største bidragsytarane til urfolk og lokalsamfunn i tropiske skogområde.

I tillegg skal statsråden delta på arrangement og ha bilaterale møte med sentrale land på klima- og naturområdet.

Klima- og miljøministeren skal vere i London frå 24. til 26. juni. Presse som ønsker å dekke besøket, kan ta kontakt med Ragnhild Melbye på ragnhild.melbye@kld.dep.no eller 451 25 156.