Næringsministeren får ny statssekretær og politisk rådgivar
Nyhet | Dato: 04.02.2025 | Nærings- og fiskeridepartementet
I statsråd i dag vart Ragnhild Sjoner Syrstad (Ap) utnemnd til statssekretær for næringsminister Cecilie Myrseth (Ap). Thomas Birkeland (Ap) blir politisk rådgivar.
Kongen har i statsråd i dag gjeve Ragnhild Sjoner Syrstad avskil i nåde som statssekretær for klima- og miljøminister Andreas Bjelland Eriksen. Syrstad er utnemnd til ny statssekretær for næringsminister Cecilie Myrseth.
Syrstad er fødd i 1990 og oppvaksen i Skaun i Trøndelag. Ho har tidlegare jobba i Noregs Bank og i Menon Economics. Frå 2018 var ho politisk rådgivar for Arbeidarpartiet på Stortinget, før ho vart statssekretær i oktober 2021.
Thomas Birkeland (31) blir ny politisk rådgivar. Han kjem frå Tromsø og har brei erfaring som politisk rådgivar i både kommune og fylkeskommune.