No blir momskompensasjonen utbetalt
Pressemelding | Nr: 20/25 | Dato: 19.05.2025 | Kultur- og likestillingsdepartementet
I desse dagar utbetalar Lotteri- og stiftelsestilsynet 366,4 millionar kroner i kompensasjon for utgifter til meirverdiavgift ved bygging av idrettsanlegg. Dette er 61 millionar kroner meir enn i fjor.
Norges Cyckelforbunds Kompetansesenter er den største mottakaren i år med 55,7 millionar kroner for velodromen i Langenga i Asker.
Oversikt over mottakarar av momskompensasjon til idrettsanlegg på nettsida til Lotteritilsynet- og stiftelsestilsynet: Nøkkeltal momskompensasjon til idrettsanlegg - Lottstift
– I heile vår regjeringsperiode har vi gitt full momskompensasjon for bygging av idrettsanlegg. Det sørger vi for også i år. Det er fordi mange og gode anlegg i heile landet vårt er avgjerande for at fleire barn og unge skal få delta i idrett og fysisk aktivitet, seier kultur- og likestillingsminister Lubna Jaffery.