Ny administrerande direktør i Enova
Nyheit | Dato: 08.06.2026 | Klima- og miljødepartementet, Energidepartementet
Styret i Enova har tilsett Evy Glørstad som ny administrerande direktør.
– Enova er eit av våre viktigaste verkemiddel i arbeidet med å kutte utslepp og omstille Noreg. Eg er glad for at Evy Glørstad skal leie dette arbeidet framover, seier klima- og miljøminister Andreas Bjelland Eriksen.
Glørstad har doktorgrad i petroleumsgeologi og kjem frå stillinga som konsernsjef i CapeOmega. Glørstad har og erfaring frå selskap som Aker BP, Det Norske og BP.
– Eg vil gratulere Glørstad med den viktige jobben som administrerande direktør i Enova. Regjeringa er opptatt av at Enova skal vektlegge koblingane mellom energi og klima i omstillinga til eit lågutsleppssamfunn. Glørstad har med seg solid erfaring frå energibransjen. Eg ser fram å samarbeide med henne om Enova sitt viktige oppdrag, seier energiminister Terje Aasland.
Glørstad startar i Enova 17. august 2026.