Tidlegare administrerande direktør for Norfund, Tellef Thorleifsson, er utnemnd til styreleiar for to år. Louise Dedichen og Ingrid Vik er nye styremedlemmer, utnemnde for to år. I tillegg held Arne Strand, Jon Hanssen-Bauer og Siri Skåre (tilsettrepresentant) fram i styret.

Styreleiar Kim Traavik og styremedlemmer Kristin Lund og Kate Hansen Bundt går ut av styret.

Styret i Noref er no sett saman slik:

  • Tellef Thorleifsson – ny styreleiar. Tidlegare administrerande direktør i Norfund.
  • Louise Dedichen – nytt styremedlem, utnemnd for to år. Pensjonert viseadmiral og tidlegare sjef for den norske militærmisjonen i Brussel.
  • Jon Hanssen-Bauer – styremedlem. Tidlegare tilsett i Utanriksdepartementet og tidlegare ambassadør til Israel.
  • Arne Strand – styremedlem. Seniorforskar ved Christian Michelsens Institutt (CMI).
  • Ingrid Vik – nytt styremedlem, utnemnd for to år. Dagleg leiar for UTSYN – Senter for sikkerhet og totalforsvar.
  • Siri Skåre – styremedlem. Tilsettrepresentant i styret og seniorrådgivar i Noref.

Styret har seks medlemmer. Fem av medlemmene blir utnemnde av Utanriksdepartementet for ein periode på to år i samsvar med vedtektene, medan eitt medlem er valt av dei tilsette.

Noref er ei uavhengig stifting som vart oppretta i 2008. Noref skal fremje fredelege løysingar på væpna konfliktar og stø norsk og internasjonal fredsinnsats.

For ytterlegare informasjon, sjå Noref si nettside.