Overlevering av rapport om tidleg tilgang til legemiddel

Regjeringa har sett ned ei hurtigarbeidande ekspertgruppe for å greie ut korleis tidleg tilgang til legemiddel med avgrensa dokumentasjon av tryggleik og effekt kan gjerast tilgjengeleg for pasientar med alvorleg sjukdom, kort forventa levetid og utan behandlingsmoglegheiter, utanfor kliniske studiar.

Gruppa er leidd av professor Bjørn Henning Østenstad og skal levere tiltak og eventuelle forslag til regelverksendringar.

Tid: Fredag 2. oktober kl. 08.00–09.00
Stad: Auditoriet R5, Akersgata 59

Pressa er velkomen til å delta. Kontakt kommunikasjonsrådgivar Elisabeth Johansen.

Arrangementet blir filma av Departementas digitaliseringsorganisasjon (DIO), og du kan følge sendinga direkte på denne sida. DIO distribuerer publiseringspunkt til medier som vil sende arrangementet direkte. Du kan kontakte DIO på telefon 22 24 88 45 eller epost: dio-lydogbilde@dio.dep.no. 
 
Presse som ønsker å bygge inn nett-tv-sendinga på sine nettsider finn embed-kode ved å trykke «Del video»-knappen i videospelaren på denne sida.