Regjeringa deler ut 34,5 millionar kroner til vidareutdanning i digital kompetanse

– Den digitale utviklinga gjer at vi alle saman har behov for å oppdatere kunnskapen vår for å kunne henge med. Derfor bruker vi pengar på at fagskular, høgskular og universitet kan utvikle vidareutdanningstilbod saman med næringslivet, kommunar og andre verksemder. Tilboda skal vere tilpassa behovet i arbeidslivet og fleksible slik at tilsette kan kombinere tilbodet med jobb, seier forskings- og høgare utdanningsminister Henrik Asheim (H).

Dette er ein del av kompetansereforma til regjeringa

Med desse pengane blir det etablert tre utdanningstilbod på fagskular og 14 utdanningstilbod på universitet og høgskular. Dette er eitt av fleire tiltak under kompetansereforma Lære heile livet.

– Eit av dei viktigaste prosjekta til regjeringa er å gjere utdanning meir tilgjengeleg for folk. Då må vi utvikle fleire tilbod som lèt seg kombinere med jobb, bustadlån og familie. Derfor held vi no fram arbeidet med fleire skreddarsydde utdanningstilbod, ein Lånekasse som er tilpassa fleire enn førstegangsstudentar og fleire fleksible og desentraliserte tilbod, seier Asheim.

Før sommaren vil regjeringa òg legge fram ein strategi for desentralisert og fleksibel utdanning ved fagskular og universitet og høgskular.

Blant dei som får støtte er Fagskolen Innlandet. Dei får nesten to millionar kroner til utvikling av vidareutdanning om digitalisering og berekraft i samarbeid med Mapei AS, Blowtech AS, Lilleseth Kjetting AS og Høyskolesenteret i Kongsvinger.

Høgskulen på Vestlandet får nesten tre millionar kroner for å utvikle eit kurs saman med Ryfylke Interkommunale Selskap, Grieg Seafood Rogaland AS, Bremnes Seashore AS og Sterling White Halibut AS for tilsette i havbruksnæringa.

Sjå komplett liste over tilboda og kva private og offentlege verksemder som er med som partnarar nedst i saka.

Fakta om tildelinga

• Det er Kompetanse Noreg som har fordelt pengane på oppdrag frå regjeringa.
• Tilbod som styrkar digital kompetanse, IKT-trygging og kompetanse for det grøne skiftet er prioritert.
• Det er universitet, statlege og private høgskular med offentleg støtte og offentlege og private fagskular med offentleg støtte som kan søke.Tilskotsordninga skal bidra til at det blir laga fleksible vidareutdanningstilbod for verksemder med behov for å utvikle kompetansen sin, betre tilgang til fleksible og arbeidsrelevante vidareutdanningstilbod for enkeltpersonar og auka samarbeid mellom utdanningsinstitusjonar og arbeidsliv om å utvikle vidareutdanningstilbod.
  
  

• Les meir om ordninga
  
  

  Desse får støtte:
  
  

  Utdanningsinstitusjon	Samarbeidspartnarar	Navn på tilbod	Tildelt sum
  BI Norwegian Business School	Abelia, Orkla, Digitaliseringsdirektoratet (Nasjonalt ressurssenter for deling av data), Nasjonal sikkerhetsmyndighet, Telenor, Foreningen personvernombudene, Næringslivets sikkerhetsråd	Digital Compliance - Personvern, IKT-sikkerhet og IKT-kontrakter	1 957 787
  BI Norwegian Business School	Abelia, Kongsberg Innovation, IKT Norge, DigitalNorway	AI and Data Accountability Management - Rettferdighet, ansvarlighet og gjennomsiktighet	1 894 557
  BI Norwegian Business School	SMB Norge, Næringskraft i Norge, Bergen næringsråd, Cemasys.com AS	Bærekraft i praksis	1 578 025
  Fagskolen i Hordaland	Høgskulen på Vestlandet, CMR Prototech og Additech AS	Industriell 3D produksjon	2 118 583
  Fagskolen i Troms	Fagskolen i Hordaland, Midt-Troms museum, Målselv Tradisjonshåndverk AS	Bygningsvern i Arktis	1 127 201
  Fagskolen Innlandet	Mapei AS, Blowtech AS, Lilleseth Kjetting AS, Høyskolesenteret i Kongsvinger	Utvikling av optimale verdikjeder gjennom digitalisering og bærekraft	1 980 000
  Høgskulen på Vestlandet	Ryfylke Interkommunale Selskap, Grieg Seafood Rogaland AS, Bremnes Seashore AS, Sterling White Halibut AS	Ryfylke - Den blå åker (BLÅ ÅKER)	2 900 000
  Høyskolen i Kristiania	Hansa Borg Brewery, Nortura, Connect Vest	Videreutdanning i HR Tech, digitalisering- og kommunikasjons-ledelse	2 049 484
  Høyskolen i Kristiania	Digital Norway, Natural State AS, Connect Vest, Elkjøp Nordic AS, Kunnskapsbyen Lillestrøm	Bærekraftig markedsføring	1 445 200
  NMBU	Viken (avdeling for plan, arkitektur og landskap), Norconsult, Statens vegvesen v/Konnekt	Digital planlegging for bærekraft (DigPlan)	2 219 000
  NTNU Institutt for Design (Gløshaugen)	DigitalNorway, International Peace Research Institute, Uninett, Trønder Energi, Statens vegvesen, Trøndelag fylkeskommune,	Strategisk design og scenariebygging	1 916 800
  OsloMet	DigitalNorway, Kunnskapsbyen Lillestrøm, Norges Handelshøyskole	Smidig prosjektledelse for digital og grønn omstilling	1 549 600
  Universitetet i Agder	IKT Norge, IKT AGDER IKS, GCE Node AS, KNOWIT, Digin	Modulbasert lederutdanning i digital transformasjon	1 959 475
  Universitetet i Agder	Næringsforeningen i Kristiansand-regionen	ESG-rapportering og ansvarlig eierskap	1 600 000
  Universitetet i Bergen	Bergen kommune, Alver kommune, Voss herad, Bergen næringsråd,  Alrek helseklynge, Norwegian Smart Care Cluster, Helse Vest Ikt AS, Helse Bergen HF, Vaksdal kommune	Fleksibel videreutdanning i digitalisering for helsesektoren (DigiFleksHelse)	4 094 400
  Universitetet i Bergen	DigitalNorway, Smart Innovation Runway, DNB, Norske havner,  Samfunnsbedriftene, FN-sambandet i Norge, Oslo kommune	Datareisen	2 850 400
  Universitetet i Bergen	Insitute of Transport of Economics, Bergen næringsråd, Bouvet Norge AS, Capgemini Norge AS	Fleksibel videreutdanning i kunstig intelligens	1 187 434
  SUM			34 427 946