– No blir endå meir viktig, norsk forsking tilgjengeleg og gratis for alle. Dette bidreg til openheit, kunnskapsdeling og tillit til norsk forsking. I tillegg bidreg ordninga til å styrke norsk som fagspråk, seier forskings- og høgare utdanningsminister Eileen Fugelsnes (Ap).

Regjeringa ønsker å gjere norsk forsking meir tilgjengeleg, både i og utanfor akademia. Støtteordninga for opne, norskspråklege tidsskrift er frå og med utlysinga for perioden 2027–2030 utvida til å gjelde medisin og helsefag, realfag og teknologi, i tillegg til humaniora og samfunnsvitskap. Ordninga har også blitt utvida frå tre til fire år.

Målet er både å sikre publisering på norsk av høg kvalitet, og å støtte tidsskrift som ikkje sjølve kan dekke kostnadene ved open publisering. Slik kan forsking finansiert av fellesskapet bli gratis tilgjengeleg for alle. 

I statsbudsjettet for 2027 foreslår regjeringa å styrke ordninga med 3,5 millionar kroner, til totalt 15,5 millionar kroner årleg. Tidsskrifta kan søke om inntil 550 000 kroner i årleg tilskot.

Mange søkarar

Direktoratet for høgare utdanning og kompetanse (HK-dir) forvaltar ordninga. I perioden 2024–2026 har 42 tidsskrift fått støtte. For perioden 2027–2030 er det 49 tidsskrift som får støtte. Det var 73 tidsskrift som søkte i år. 

– Det er ny rekord, med over 20 prosent fleire søknader enn i førre runde. Det viser at behovet for ordninga er stort og aukande, seier Sveinung Skule, direktør i HK-dir.

Tidsskrift

1.        Internasjonal Politikk - Skandinavisk tidsskrift for internasjonale studier

2.        Edda - Nordisk tidsskrift for litteraturforskning

3.        Historisk tidsskrift

4.        Tidsskrift for Norsk psykologforening

5.        Kunst og kultur

6.        Norsk medietidsskrift

7.        NLT – Norsk Lingvistisk Tidsskrift

8.        Norsk antropologisk tidsskrift

9.        Norsk sosiologisk tidsskrift

10.    Tidsskrift for samfunnsforskning

11.    Norsk statsvitenskapelig tidsskrift

12.    Inspira – tidsskrift for anestesi-, operasjon- og intensivsykepleiere

13.    Norsk pedagogisk tidsskrift

14.    Kritisk Juss

15.    Suicidologi

16.    Kart og Plan

17.    Klassisk forum

18.    Viking

19.    Tidsskrift for kjønnsforskning

20.    Norsk litteraturvitenskapelig tidsskrift

21.    Arbeiderhistorie

22.    Acta Didactica Norden

23.    Heimen: Tidsskrift for lokal og regional historie

24.    Mediehistorisk tidsskrift

25.    Tidsskrift for velferdsforskning

26.    Nordisk tidsskrift for pedagogikk og kritikk

27.    Maal og Minne

28.    Uniped – Tidsskrift for universitets- og høgskolepedagogikk

29.    Tidsskrift for psykisk helsearbeid

30.    Samfunnsøkonomen

31.    Michael

32.    Norsk filosofisk tidsskrift

33.    DIN Tidsskrift for religion og kultur

34.    Barnelitterært forskningstidsskrift

35.    Skriftkultur

36.    Tidsskrift for kulturforskning

37.    Tidsskrift for praktisk teologi

38.    Nordisk tidsskrift for utdanning og praksis

39.    Nordisk Museologi

40.    Nordand: Nordisk tidsskrift for andrespråksforskning

41.    Sámi dieđalaš áigečála

42.    Teatervitenskapelige studier

43.    NOA norsk som andrespråk

44.    Teologisk tidsskrift

45.    Nordic Journal of Literacy Research

46.    Nordisk barnehageforskning

47.    Collegium Medievale

48.    Prismet religionspedagogisk tidsskrift

49.    Namn og nemne