Østersjørådet består av Danmark, Estland, Finland, Island, Latvia, Litauen, Noreg, Polen, Sverige og Tyskland, i tillegg til EU.

På møtet skal utanriksministrane diskutere sikkerheitssituasjonen i regionen og Russlands aukande aggresjon mot Ukraina.

– Ukraina går inn i nok ein vinter med krig samtidig som Russland aukar presset. Vi må samarbeide tett med landa rundt Østersjøen om korleis vi møter denne utviklinga og held fram støtta til Ukraina, seier utanriksminister Espen Barth Eide. 

Under opphaldet vil utanriksministeren også møte andre utanriksministrar.

For meir informasjon om reisa eller intervjuavtalar, kontakt pressevakta i UD på telefon 23 95 00 02 eller e-post media@mfa.no.