Presseinformasjon:
Utanriksministeren til USA
Pressemelding | Dato: 26.01.2024 | Utanriksdepartementet
Utanriksminister Espen Barth Eide besøkjer Washington D.C. 7.–8. februar for politiske samtalar.
I USA skal Eide mellom anna møte utanriksminister Antony Blinken den 8. februar. I Washington DC møter han også kongressmedlemmer og ekspertar frå tankesmiemiljøet.
– USA er vår viktigaste allierte. I ei tid med store geopolitiske spenningar, er det viktig å ha dialog med toneangivande politikarar og miljø i USA om mellom anna situasjonen i Midtausten, Ukraina og samarbeidet i Nato og i Arktis, seier Eide.
Fleire område der USA og Noreg samarbeider tryggingspolitisk, humanitært og på andre måtar vil òg bli drøfta.
Pressekontakt: Ragnhild H. Simenstad, mobil 91 71 74 59 (med på reisa).