I tillegg til satsinga på lokalmat, er det òg prioritert å gje støtte til prosjekt som styrkjer rekruttering til utdanning, auka sjølvforsyning, frukt og grønt, økologisk landbruk og HMS-landbruk i landbruket. Midlane er likevel ikkje avgrensa til desse satsingsområdena.

I januar 2025 lanserte Landbruks- og matdepartementet «Oppskrift for mer lokalmat og lokal drikke» med føremål om å leggje til rette for å auke omsetnaden av lokalmat til 25 milliardar kroner innen 2035.

Prosjektmidlane er frå ordninga «Nasjonale tilretteleggingsmidlar» og går til kompetanse- og næringsutvikling med oppstart i 2026. Søknadsfristen er 23. oktober. Alle organisasjonar som ynskjer å bidra til verdiskaping i landbruket, og utvikle løsninger som kjem fellesskapet til gode, kan søkje.