I revidert nasjonalbudsjett foreslår Arbeidarparti-regjeringa å auke løyvinga til momskompensasjon ved bygging av idrettsanlegg med 29,6 millionar kroner, til totalt 430,3 millionar kroner.

Løyvingsauken vil sikre full momskompensasjon til alle som har søkt. Ordninga med momskompensasjon til frivillige lag som bygger eigne idrettsanlegg bidreg til utbygginga av idrettsanlegg over heile landet. Dette kjem i tillegg til momskompensasjonsordninga for kostnader ved kjøp av varer og tenester for idrett og frivillig sektor.

– Arbeidarparti-regjeringa har sikra full momskompensasjon til bygging av idrettsanlegg kvart einaste år, i tråd med vår lovnad til idretten. At idretts-Noreg skal ha gode rammevilkår er viktig for Arbeidarpartiet, seier kultur- og likestillingsminister Lubna Jaffery.

Midlane vil bli utbetalt før sommaren.